काणी विज्मितांची (कविता) - यत्ता धावी

कवी माधव बोरकार हांचे विशीं:

माधव बोरकार हे कोंकणींतले नामनेचे कवी. तांचे चंवर, उजवाडाचो रूख, यमन, मळबाचें जनेल, सिम्फनी आनी हेर कांय कविता संग्रह उजवाडाक आयल्यात. यमन ह्या तांच्या कविता संग्रहाक 2001 वर्सा साहित्य अकादेमीचो पुरस्कार फावो जाला.

रवींद्रनाथ टागोरांच्यो 101 कविता तांणी अणकारीत केल्यात. ह्या पुस्तका खातीर, 2004 वर्सा तांकां साहित्य अकादमीचो अणकार पुरस्कार फावो जाला.

2018 वर्सा तांणी कोंकणी कवितेंत पन्नास वर्सां पुराय केल्यांत.


**********

कवितेचेर आदारीत भुरग्यां खातीर कांय प्रस्न.


अ) कवितेच्या आदारान रित्यो सुवातो भरात.

1. पाचव्योचार दोंगरावळी आनी मुखार _____________.

2. पिकेवेल्या खर वतांत बागवतात _____________ शेतां.

3. ह्याच वेळार पारव्यां भिरें _____________ काडयो वेंचता.

4. झडटात काळखा _____________ नक्षत्रांचीं लिक्क चंवरां.

5. पावला पावलाक सैम रावता घालीत _____________.


आ) कवितेंत यमक उतरां आयल्यांत, देखीक निळो - कळो. बाकीचीं उतरां तुमी सोदून काडात पळोवया.

इ) ह्या कवितेंत, सैमाचें खंयचें अजाप तुमकां चड आवडलें आनी कित्याक?

ई) तुमी अणभव घेतिल्ल्या सैमाच्या अजापांचो उगडास करात आनी ते विशीं बरयात.

आदारावळ: 

व्हिडियो संकल्पना आनी निवेदन : पुनम बुर्ये, शिक्षिका, जी. एस. आमोणकार विद्यामंदीर, म्हापशें 
गायिका : गौतमी हेदे बांबोळकार 
व्हिडियो संपादन : संदीप पिळगांवकर 
आदार : कलानंद बांबोळकार, स्नेहा सबनीस, महानंदा पागी, योगिनी आचार्य